Архив - Янв 2016

Аваллăха - чаплă ĕçсем тунă несĕлĕмĕрсем патне - «кĕрсе тухăр», çакă Сире тата Сирĕн тăхăмăрсене малашлăха çул уçса парĕ.

Вулаканăмăрсене паян паллаштарас текен çын çинчен йăхташăмăрсенчен чылайăшĕ илтнĕ çеç мар, ăна лайăх пĕлет те. Вăл - Владимир Иванов /Алмантай/, «Сувар» общество организацийĕн ертÿçи, сувары.рф сайт йĕркелÿçи. Вăл пуçарнипе 2007-2008 çулсенче сăвар-пăлхар-чăваш халăхĕн X-XIII ĕмĕрсенчи пурлăх культурине, çавăн пекех Чăваш Ен, Тутарстан тата Чулхула облаçĕн территорийĕсенчи XIV-XVIII ĕмĕрсенчи вилтăпри палăкĕсене тĕпчес тĕлĕшпе Чăваш патшалăх гуманитари ăслăлăхĕсен институчĕпе, Тутарстанри Пăлхар хулинчи историпе архитектура музей-заповедникĕпе пĕрле ăслăлăх экспедицийĕсем ирттернĕ. Аллă çул каялла - 1966 çулхи ака уйăхĕн 17-мĕшĕнче - Елчĕк районĕнчи Хĕрлĕçырта кун çути курнă. Çĕнĕ Пăва вăтам шкулĕнчен вĕренсе тухнă, 1984-1986 çулсенче Совет çарĕнче службăра тăнă, ун хыççăн Хусан патшалăх педагогика институтĕнче "географи" специальноçпа пĕлÿ илнĕ. Иртнĕ çул Славян культурин патшалăх академине /Мускав/пĕтернĕ. Специальноçĕ - "культурăн теорийĕпе историйĕ" /культурологи/. Владимир Иванова хăйĕн шăпине тăван халăх культурипе, йăли-йĕркипе çыхăнтарма мĕн хистенĕ-ши?

Юлашки вăхăтра республикăра наркотиксемпе çыхăннă лару-тăру лайăх енне улшăннине час-часах палăртаççĕ. Çак чăнлăха РФ Наркотĕрĕслев службин Чăваш Енри управленийĕн ертÿçи Евгений Барсуков генерал-майор статистикăн типĕ хисепĕсемпе тата чĕрĕ тĕслĕхсемпе çирĕплетрĕ.

Пирĕн хутлăхра грипп çулленех кăрлач-нарăс уйăхĕсенче сарăлать.

Роспотребнадзорăн республикăри управленийĕн мониторингĕ тăрăх, кăçалхи кăрлачăн 11-17-мĕшĕсенче Шупашкарта кăна шăнса пăсăлнă 1815 çынна шута илнĕ. Асăннă кăтарту иртнĕ çулхи çав вăхăтринчен пĕчĕкрех пулин те лару-тăру сисчĕвлентерет: çитĕн­нисенчен виççĕшне А/Н1N1/ 2009 ернине тупса палăртнă. Çакнашкал тĕслĕх Улатăр хулинче тата иккĕ пулнă.

Кăрлач уйăхĕн 25-мĕшĕ - Раççей студенчĕсен кунĕ. Теприсем ăна Татьяна кунĕ теççĕ, мĕншĕн тесен шăпах çав кун тĕне ĕненекенсем çветтуй Татианăна - Римра кун çути курнă хĕре, Христос вĕрентĕвне çирĕп тытса пынăскере, хăйне темле асаплантарсан та унран сивĕнме килĕшменскере - асăнаççĕ. Çак çветтуй студентсен хÿтĕлевçи шутланать.

89 çула çитнĕ пулин те вăл паянхи кунчченех тĕрлĕ проект çырать. "Вĕсене пурнăçа кĕртме халь тин вăй-хăватăм çитес çук хамăн, халăх валли пултăр", - çапларах пуçларĕ сăмахне Йĕпреç районĕнчи Хурамалта пурăнакан Николай Шарипов.

«Пĕтĕм тĕнче сире сăнать!»

Çыру çыр та «Артека» кайма путевка выляса ил!

Ĕç çыннине мĕнле ÿстермелле?

Тумхахлă ачалăх

Тута кушăрхасан

Илемлĕ çырасси - хăйне евĕрлĕ ăсталăх

Тĕлĕнтермĕш курма тĕлĕнме пĕлмелле

Улттăмĕш класс пултарулăхĕпе пурте мăнаçланаççĕ. Вĕсем вĕренÿре кăна мар, спортра та час-часах хастарлăхĕпе палăраççĕ. Çуллапа кĕркунне уйрăмах футболла выляма килĕштереççĕ çамрăксем. Мечĕкпе кам та кам çывăхрах туслашнине çу каçиччен вĕсем темиçе хут та тĕрĕсленĕ-ха.

Пĕтĕм тĕнчери «Артек» ача-пăча центрĕ тата Раççей почти ача-пăча çырăвĕсен пĕрремĕш уçă конкурсĕ пуçланнине пĕлтереççĕ, çĕнтерÿçĕсем «Артека» кайма путевкăна тивĕçĕç.

Кăçал Чăваш Енре Ĕç çынни çулталăкĕ. Çак хыпара Шупашкарти 55-мĕш шкулта тăрăшакансемпе вĕренекенсем яваплăн йышăнчĕç. Унта çитĕнекен ăрăва ĕçе явăçтарассине пысăк тимлĕх уйăрнă. Рудольф Геннадьевич Панов технологи учителĕпе аслă класс вĕренекенĕ Илья Васильев «Çамрăк техник» кружок пуçарса йĕркеленĕ.