Архив - Янв 2016

Массăллă информаци хатĕрĕсен, издательство, полиграфи ĕçченĕсем кăрлачăн 16-мĕшĕнче Чăваш патшалăх филармонийĕнче Раççей тата Чăваш пичечĕн кунĕсене уявларĕç.

- Çак кунсенче чăваш халăхĕн тĕп хаçачĕ «Хыпар» тухма пуçланăранпа 110 çул çитнине паллă тăватпăр, - терĕ ЧР информаци политикин тата массăллă коммуникацисен министрĕ Александр Иванов. - «Хыпар» чăваш журналистикине никĕсленĕ. «Хыпар» Издательство çурчĕ паян çăмăл мар тапхăра чăтса ирттерет. Апла пулин те медиахолдинг ертÿçисем çивĕч ыйтусене татса парса малалла ăнтăлассишĕн çине тăрса ĕçлеççĕ.

СЫВЛĂХ СЫХЛАВĔ, ÇĔНĔ ШКУЛСЕМ - ТĔП ЫЙТУ

Ку мероприятие ЧР Министрсен Кабинечĕн Председателĕн заместителĕ Алла Салаева, ЧР сывлăх сыхлавĕн тата вĕренÿ министрĕсем Алла Самойловăпа Владимир Иванов хутшăннă. Унта сывлăх сыхлавĕпе вĕрентĕвĕн çивĕч ыйтăвĕсене сÿтсе явнă.

Роспотребнадзор ертÿçи Анна Попова 2015 çулта РФ гражданĕсенчен 45 миллионне прививка тунине пĕлтернĕ. Унăн шухăшĕпе - усси курăмлă: иртнĕ çулталăк вĕçĕнче, 2016 çул пуçламăшĕнче чирлекен сахал пулнă. Анчах çакă лăпланмаллине пĕлтермест.

ЧР ял хуçалăх министрĕ Сергей Артамонов АПК предприятийĕсемпе, хресчен-фермер хуçалăхĕсемпе çывăхрах паллашас тĕллевпе нумаях пулмасть Шупашкар районĕнчи «Чурачикское» АУОра пулчĕ. Иртнĕ эрнекун Сĕнтĕрвăрри тăрăхне çитрĕ.

Шупашкарти Ленин районĕ пирки тĕп хулан тĕп районĕ теме юрать-тĕр: хула варри, кунта республикăн патшалăх влаçĕн органĕсен çурчĕсем вырнаçнă, предприятисем, кану вырăнĕсем йышлă. Çавна май криминалпа çыхăннă лару-тăру хăйнеевĕрлĕхĕ те пур. Çакă Следстви комитечĕн ЧР Следстви управленийĕн Шупашкарти Ленин районĕн следстви пайĕн ертÿçипе Александр ШАРИНПА калаçнă май та сисĕнчĕ.

Раççей Президенчĕ Владимир Путин Указĕпе килĕшÿллĕн çĕршывра 2016 çул - çутçанталăкăн уйрăмах сыхлакан лаптăкĕсен çулталăкĕ.

«Вăрман ачисем» /Дети леса/... Чăваш çыравçи, драматургĕ, ЧР Патшалăх премийĕн лауреачĕ Борис Чиндыков пухса хатĕрленĕ, 2016 çулта Чăваш кĕнеке издательствинче пичетленсе тухнă çĕнĕ кăларăм ячĕ çавăн пек.

"Чăваш коммуни” /"Хыпар"/ хаçатра ĕçленĕ, Тăван çĕршывăн Аслă вăрçине хутшăннă калем ăстисене, корреспондентсене асра тытса хатĕрленĕ стенда тишкерсе темиçе те пăхнă. Куçăм яланах хитре сăн-питлĕ, çутăрах сăнлă Георгий Костин çинче чарăнать.

2011 çулта Хĕрлĕ Чутай районĕнчи Штанаш тăрăхĕ çинчен кĕнеке кăлартăм. Анчах кунта çуралса ÿснĕ, ĕçлесе пурăннă чылай паллă çын ман кĕнекене кĕреймен иккен. Энциклопедире Иван Филиппович Кашкиров пирки те темиçе сăмах кăна. "Лейтенант, 2-мĕш Беларуç фрончĕ. Аманнă. "Хĕрлĕ Çăлтăр" орден кавалерĕ", - тесе кăна асăннă.

Иртнĕ вырсарникун Чăваш пичечĕн кунне паллă турăмăр. Пĕлес килет: çак уява хăçан никĕсленĕ? Çавăн пекех Раççей пичечĕн кунĕн историйĕ те кăсăклантарать.

А.ТЕРЕНТЬЕВА.

Вăрнар районĕ.

1990 çулсенче пирĕн çĕршывра Америкăра кăларнă «Санта-Барбара» сериала çав тери юратнă, куракансем сăнарсене хисеплесе кушакĕсене - Джина, йыттисене Круз ятсем панă. Загссенче те нумайăшĕ хĕрĕ-ывăлне Иден, Мейсон тесе çырма ыйтнă. Паллă сериалти артистсем паян еплерех пурăнаççĕ-ха?

2 пин ытла сери

Раççей телекуравçи сериала пуçласа 1992 çулхи кăрлач уйă­хĕн­че пăхнă. «Санта-Барбарăна» пирĕн патра 217-мĕш серирен кăтартнă, 2040-мĕш серипе вунă çултан вĕçленĕ. «РТР» телеканал ертÿлĕхĕ чи анлă сарăлнă серисене çеç туяннă тесе ăнлантарнă.