Виçĕреш тĕнчене килнĕ

Çĕмĕрле районĕн администрацийĕнче çут тĕнчене килнĕ виçĕреше регистрациленĕ. Çĕнĕ «кайăксем» нарăс уйăхĕн вĕçĕнче çуралнă.

Елена Кочергина икĕ чиперккепе пĕр паттăра пурнăç парнеличчен те ывăллă пулнă. Владислав пĕр харăс йăмăксемпе шăллĕллĕ пулса тăрасса ĕмĕтленмен те. Алина, Виктория тата Алексей çемьене чăннипех пысăклатнă. Паллах, ашшĕпе амăшĕн ĕçĕпе тивĕçĕ те пĕр ача хушăнни чухнехинчен чылай ытларах.

Çĕмĕрле райадминистрацийĕн ЗАГС ĕçченĕсем телейлĕ çемьене малашнехи пурнăçра ырă кĕтменлĕхсем кăна суннă.

М.СЕМЕНОВА.