Вăхăтра сÿнтернĕ

Пуш уйăхĕн 21-мĕшĕнче 18 сехет иртсен Чул хула чукун çулĕн Шупашкарти 2 станцийĕ çывăхĕнче /9-мĕш километрти пост/ Шупашкартан Мускава çула тухнă пассажир пуйăсĕн тепловозĕн 2-мĕш секцийĕ шал енчен хыпса илнĕ.

Чăваш Ен Пуçлăхĕ Михаил Игнатьев хушнипе çак вырăна республикăн Чрезвычайлă лару-тăру енĕпе ĕçлекен патшалăх комитечĕн председателĕ Вениамин Петров кайнă. Вăл пĕлтернĕ тăрăх - Чул хула чукун çулĕн сотрудникĕсем тата пушарниксем пĕлсе те хăвăрт ĕçленипе вут-хĕме 40 минутра сÿнтернĕ. Çак вăхăтра пĕрремĕш вакунри 25 пассажира иккĕмĕшне куçарнă, никам та суранланман. Пассажирсем шăв-шав çĕклемен, лару-тăрăва ăнланса йышăннă.

Юсавсăр тепловоза улăштарнă хыççăн 19 сехет те 24 минутра пуйăс палăртнă маршрутпа малалла кайнă. Секци мĕнле сăлтавпа хыпса илнине тĕпчеççĕ.


А.МАКАРОВА

Комментари хушас

Image CAPTCHA
Введите символы, которые показаны на картинке.