Тÿлевсĕр приватизаци вĕçленет

Граждансем хăйсен хваттерĕсене приватизацилемелли вăхăт вĕçлениччен 3 уйăх ытларах çеç юлчĕ - çакăн çинчен Росреестрăн республикăри управленийĕ аса илтерет.

Муниципалитет çурт-йĕрне тÿлевсĕр майпа уйрăм çынсен харпăрлăхне парасси 2015 çулхи мартăн 1-мĕшĕнче вĕçленмелле, çавна май хваттерсене приватизацилес кăмăллисене ку ĕçе вăраха ямасăр пурнăçлама сĕнеççĕ.

Правасен пĕрлехи патшалăх реестрĕн кăтартăвĕсем тăрăх - республикăра кăçал кăна граждансем 4,5 пин ытла хваттере приватизациленĕ. Пĕтĕмпе вара тÿлевсĕр приватизаци пуçланнăранпа Чăваш Енре уйрăм çынсен харпăрлăхне 162,5 пин ытла объект куçнă.

Росреестрта çакăн пирки те асăрхаттараççĕ: хваттерсене приватизацилессипе çыхăннă процесс обязательнăй йĕркепе Росреестрта пулнипе тата хваттер тĕлĕшпе правăн патшалăх регистрацийĕн свидетельствине илнипе вĕçленмелле.

К.НИКОЛАЕВ.