«Хулара демографи лару-тăрăвĕ ырă еннелле улшăнать. Кăçал кăрлачăн 1-мĕшĕ тĕлне Шупашкарта пурăнакансен йышĕ 500 пин çынна çитрĕ», — Шупашкар хулин администрацийĕн пуçлăхĕн Алексей Ладыковăн çак сăмахĕсене хула депутачĕсен Пухăвĕн черетлĕ 17-мĕш анлă ларăвне хутшăннисем алă çупса йышăнчĕç. Чăнласах та лайăх хыпар — Шупашкар чи пысăк хуласен йышне кĕрет.
Республикăри хăш районта ялсем тата хуласем йышлăрах?
П.ПЕТРОВ. Вăрнар районĕ.
Ял йышлăлăхне палăртакан кăтартăва 100 тăваткал çухрăм лаптăкра вырнаçнă ялсен хисепĕ çине пайласа палăртаççĕ. Раççей Федерацийĕнче çак кăтарту вăтамран 0,9-па танлашать. Чăваш Республикинче - 10 хут ытла пысăкрах. Вăтамран - 9,4.
Мулкач ĕлĕкех чăваш пурнăçне илем кÿнĕ. Сунарçăсене илĕртнĕ, ачапчана савăнтарнă. Юлашки вăхăтра ăна ял-хула таврашĕнче куратпăр-и? Республикăра хир мулкачне /заяц-русак/ 2014 çулта 1337 шута илнĕ - иртнĕ ĕмĕртипе /1987 ç. - 2879, 1989 ç. - 2662, 1991 ç. - 7744/ танлаштарсан йыш хухнă. Шур мулкач /заяц-беляк/ 2014 çулта 3569 пулнă - хисеп иртнĕ ĕмĕртинчен /1987 ç. - 13976, 1989 ç. - 14838, 1991 ç. - 14700/ катăлнă. ЧР сунарçăсемпе пулăçсен патшалăх службин пай ертÿçинчен Николай КОСУЛИНРАН сăлтавне ăнлантарма ыйтрăм.
Чăвашла верси
Русская версия
