Юратнă юрă

Сăвви Николай Исмуковăн

Кĕвви Анисим Асламасăн

Ак каллех хĕл çитрĕ çаврăнса,
Шупашкарăм шупăр пĕркенет.
Калаймастăп нимĕн çавăрса -
Те шур юр, те тунсăх чÿхенет.
 
Ах, савни, мĕскершĕн ăш çунать? -
Асăнатăп вĕçсĕр сан ятна.
Шур хĕлтен ыйтас-и çил çунат
Вĕл вĕçсе пымашкăн сан патна.
 
Çак асамлă юрăн каçĕнче
Пĕтĕм ĕмĕт-шухăш сан çинчен.
Юр пĕрчи пулам та эп, пикем,
Перческÿ çине пырса ÿкем.
Subscribe to Юратнă юрă