Туйăмсем ытамĕнче

1 Ака, 2017

Çĕрлехи тĕлпулу

Шак! Шак! Шак! Илтĕнчĕ чÿречерен шакканă сасă. Аня васкаса тăчĕ. Хăйĕн çине алăк умĕнче çакăнса тăракан пысăк ăшă тутăрне уртрĕ те васкасах çенĕке тухрĕ. "Кам унта?" тесе те ыйтмарĕ вăл. Коля иккенне ахалех пĕлет.

— Хăçантанпа курман-çке. Тунсăхларăм, — алăк уçнă-уçман савнийĕн мăйĕнчен уртăнчĕ вăл. Арçын та ăна хыттăн çупăрларĕ. Пĕр кана вырăнтан хускалмасăр антăхса каясла чуптурĕç.