саккунсем

ЧР Патшалăх Канашĕн паянхи черетсĕр çирĕм пĕрремĕш сессийĕнче пенсие тухмалли ÿсĕме пысăклатассине хĕрÿ сÿтсе яврĕç. РФ Правительстви пенсие тухмалли ÿсĕме пысăклатассипе çыхăннă саккун проекчĕ çинчен çĕртме уйăхĕн 16-мĕшĕнче пĕлтерчĕ. Унтанпа ку ыйту çĕршывра хĕрÿ сÿтсе яваççĕ. Пĕрисем саккуна улшăнусем кĕртессине ырласа йышăнаççĕ, теприсем вара — хирĕç. Пур енлĕн пăхса хакласан вара — улшăнма вăхăт çитнине йышăнма тиветех.

 Раççейĕн Финанс министерстви хăй тĕллĕн ĕçлекенсем валли налук каникулне 2019 çулхи раштавăн 31-мĕшĕччен тăсса парасшăн.

2018 çулхи кăрлач уйăхĕн 1-мĕшĕнчен пуçласа Раççейре курорт налукĕ текен ăнлав вăя кĕрет. Эксперимент шайĕнче ăна Алтай, Ставрополь, Краснодар крайĕсенче тата Крым Республикинче «ĕçлеттерсе» пăхма палăртнă. Асăннă налука \çав тăрăхсене канма килекенсенчен илĕç. Унăн виçи талăкне 100 тенкĕ таран пулĕ.

* * *

Раççей Аслă сучĕн чÿк уйăхĕн 1-мĕшĕнче кăларнă йышăнăвĕпе ЧР Сывлăх сыхлавĕн министерствин «Фармация» патшалăх унитари предприятийĕ республикăри медицина организацийĕсене медикаментсемпе тата çынсене медпулăшу кÿнĕ чух усă курмалли материалсемпе тивĕçтерекен пĕртен-пĕр поставщик тесе йышăннă.

Николай ДМИТРИЕВ.

Pages

Subscribe to саккунсем