Мухтава тивĕçнисем

Патăрьел районĕнчи Кĕçĕн Арапуçĕнче пурăнакан Николай Михайлович Селиванова чылайранпа çывăх пĕлетĕп. Ертÿçĕ ĕç стажне çырма вăл Аслă Арапуçĕнчи «Сельхозтехника» уйрăмĕнче пуçланă: гараж заведующийĕ, колонна пуçлăхĕ пулнă. Автотранспорт предприятийĕ туса хурсан тĕп инженер, директор должноçĕсене йышăннă. 1992 çулта ăна район центрне куçарчĕç. Кунта вăл ДРСУ тилхепине ултă çул тытрĕ. Тивĕçлĕ канăва вара автостанци пуçлăхĕнчен тухрĕ. Ĕнтĕ пĕлменни юлман та темелле пек.