Патăрьел районĕнчи Нăрваш Шăхаль ялĕнче пурăнакан Мария Потапова ачаранах юрлама, ташлама юратнă. Хăй вăхăтĕнче «Труд» колхозăн хорĕнче, каярахпа «Асамат кĕперĕ» ансамбльте юрланă. Халĕ те чăваш юрри-кĕввисĕр пурăнаймасть, хăйĕн пултарулăхĕпе ял-йыша савăнтарать.
«Эпĕ паян Армение вĕçетĕп-ха, каярах çыхăнăпăр», — Мускаври аэропортран çыру вĕçтерчĕ Дарья Чернова. Унпа кайран та çыхăнма çăмăлах пулмарĕ. Паян вăл — Гюмри хулинче Армени , ыран — Мускавра... Çак статьяна çырнă вăхăтра пике Екатеринбурга вĕçнĕ. Кашни кун — урăх хулара вăл.
Юлия Ильина Чăваш патшалăх ял хуçалăх академийĕн 3-мĕш курсĕнче вĕренет. Пике аслă вĕренÿ учрежденийĕн чи пултаруллă студенчĕсенчен, чи пысăк стипенди илекенсенчен пĕри.
Путина куçран тинкерсе итленĕ
«Эпĕ мăнаçлăн пĕлтеретĕп: манăн тăван чĕлхе — чăваш чĕлхи», — çапла çырнă вăл интернет-сайтри хăйĕн страницинче. Сăмахăм Шупашкарти 203-мĕш «Йăрă ача» (Непоседы) садикре ачасене хушма пĕлÿ паракан педагогра ĕçлекен Олеся Краснова çинчен.
Тинĕс е сăрт-ту? Шупашкарта пурăнакан Ксения Шепилева пĕр шухăшламасăрах юлашкине суйлĕ. «Тусем мана чылай çĕннине вĕрентрĕç. Сăрт-тăва е юрататăн, е çук. Кăмăлламасăр май çук паллах», — палăртать пике. Вăл спорт туризмĕпе кăсăкланать. Тулли рюкзак, ту çине анса хăпармалли ятарлă хатĕр-хĕтĕр… Вĕсемсĕр çула тухмасть хĕр. Нумаях пулмасть Ксения Чăваш Ен пĕрлештернĕ командин йышĕнче Кăркăсстанри Тянь-Шань тăва парăнтарса Раççей Кубокне çĕнсе илнĕ.
Чăвашла верси
Русская версия
