Чăвашла верси
Русская версия
5 Пуш, 2014
Елена Муратова - иккĕмĕш
Олимп вăййисене хутшăннă спортсменка Японири Инавасиро хулинче иртнĕ тĕнче кубокĕн 19-мĕш тапхăрĕнче могул енĕпе тупăшса пьедесталăн иккĕмĕш картлашки çине хăпарнă.
Кун хыççăн кун
5 Пуш, 2014
«Юман валли - сăпка»
Муркаш районĕнче «Çут çанталăкпа килĕшÿре пурăн, юратнă Муркаш енĕм!» проектпа килĕшÿллĕн «Юман валли - сăпка» тĕпчев ĕçĕсен конкурсĕ иртнĕ.
Ăна асăннă район администрацийĕн вĕрентÿ, çамрăксен политикин, физкультурăпа спортăн информаципе меслет центрĕн пуçарăвĕпе йĕркеленĕ. Унăн тĕп тĕллевĕ - ачасемпе çамрăксене тĕпчевпе шырав ĕçĕсене ытларах явăçтарасси, тăван тăрăха юратма, хаклама вĕрентесси.
5 Пуш, 2014
Халĕ те хакне çухатмаççĕ
Канаш районĕнчи Кайри Ăнтавăш вулавăшĕнче «Паллă тĕпчевçĕ, пултаруллă историк В.К.Магницкий - 175 çул» литература каçĕ иртнĕ. С.Димитриева ачасемпе çамрăксене ăсчахăн пурнăçĕпе пултарулăхĕ çинчен каласа панă.
4 Пуш, 2014
Кун хыççăн кун. Пуш 4, 2014,
Чăваш кĕввипе поэзийĕн уявĕ
Çĕнĕ Шупашкарти Ачасен искусство шкулĕнче Культура çулталăкĕпе килĕшÿллĕн «Илемлĕ кĕвĕ» мероприяти иртнĕ.
Унăн тĕллевĕ - çамрăк ăрăва чăваш наци искусствине юратма, хаклама вĕрентесси. Чăвашлăх уявне асăннă шкул директорĕн çумĕ Светлана Иванова йĕркелесе ертсе пынă.
27 Нарăс, 2014
Кун хыççăн кун. Нарăс, 27.
Пулăшу кăçал та витĕмлĕ
Чăваш Енри пĕчĕк хуçалăхсене патшалăх кÿрекен пулăшу калăпăшĕ çулсерен ÿсет.
2006-2011 çулсенче çеç «АПК аталанăвĕ» приоритетлă наци проектне тата 2008-2012 çулсенче ял хуçалăхне аталантарма палăртнă патшалăх программине пурнăçласа хушма хуçалăха аталантаракан 67,7 пин çемье 11,9 млрд тенкĕлĕх çăмăллăх кредичĕ илнĕ. Пулăшу илнисен 73 проценчĕ выльăх-чĕрлĕх витине юсаса çĕнетнĕ, 19: - ял хуçалăх техники, 7: выльăх туяннă, пĕр проценчĕ ытти тĕллевпе усă курнă.
