Комсомольски районĕнчи Киров ялĕнче пурăнакан Тамара Денисовна Григорьева ÿкерес ăсталăхпа професси пĕлĕвĕ илмен, анчах унăн картинисене художникăннипе танлаштаратăн. Паллах, эпĕ ку енĕпе профессионал мар, анчах тахçанах тивĕçлĕ канăва тухнă хĕрарăмăн ĕçĕсенче чун пурри сисĕнет.
Унăн килĕнче лавккара туяннă сĕтел-пукан çук, çавăнпа шифоньер, стенка, кухньăри гарнитур тата ытти те эрешпе илемлетнине кура куçа та, чуна та савăнтарать. Сахал мар вăхăт иртнĕрен сăнне çухатнине, кĕтесĕсем хăйпăннине кураймастăн.
Патăрьел районĕнчи Тĕрĕньельте пурăнакан Лариса Суркова йышлă çемьере çитĕннĕ. Сак тулли сакăр хĕр çуратса ÿстернĕ ашшĕпе амăшĕ. Екатерина Степановна вĕсене пурне те ачаранах ĕçе хăнăхтарнă.
- Пĕлетĕр-и, лавккара пĕр хĕрарăмпа калаçса кайрăм. Шăмăршă районĕнчен хăй. Сăмах çумне сăмах хушрăмăр, хамăр кружокра çекĕллĕ йĕппе темĕн тĕрлĕ япала çыхнине асăнтăм. Çав тери тĕлĕнчĕ, ăмсанчĕ. Хăйĕн те çĕннине вĕренес килнине пĕлтерчĕ. "Ай-уй, Шăмăршăран Комсомольскинех çÿреймĕр пулĕ. Çулĕ инçе вĕт", - терĕм çакна. Тем тăвать ĕнтĕ, - пĕлтерчĕ Любовь Александровна Петрова хăйĕн ал ĕçĕсемпе паллаштарнă май. Пĕчĕк сумкинчен ÿнер ĕçĕсем тухаççĕ тейĕн. Акă пĕр эрешлĕ тутăр туртса кăларчĕ, тепри - тата илемлĕрех, виççĕмĕшĕ унран та чипертерех пек.
Катка-пичке ăсталас ĕçе Федор Тихонович Ермолаев ашшĕнчен вĕреннĕ. Тихон Михайлович ку тĕлĕшпе Нăрваш Шăхальте çеç мар, таврара та палăрса тăнă. Ара, вăл вăхăтра ял çынни йывăç савăт-сапапа анлă усă курнă. Пахча çимĕçе, улма-çырлана каткапа йÿçĕтнĕ, тăварланă. Выльăх-чĕрлĕх валли лаххан ăсталанă.
Чăвашла верси
Русская версия
