Сăвăс хăратать…

26 Çу, 2017

Республикăри сиплевпе профилактика организацийĕсем сăвăс сăхнă 73 çынна (çу уйăхĕн 17-мĕшĕ тĕлне) медицина пулăшăвĕ панă.

Çак йышра — 21 ача. Роспотребнадзорăн Чăваш Енри управленийĕ пĕлтернĕ тăрăх — кăçал сăвăсран шар курнисен шучĕ пĕлтĕрхинчен /çак тапхăр тĕлне 107 çын пулнă/ сахалрах.

Республикăра сăвăс энцефаличĕпе чирлекенсене тупса палăртас тĕллевпе пуш уйăхĕн çурринчен тытăнса кашни эрнере тĕрĕслев ирттерме пуçланă. Телее, хальлĕхе чир пирĕн тăрăхра палăрман-ха. Анчах хăрушлăх çук мар. Чăваш Ен çыннисем Тутар, Мари Эл республикисене, Киров облаçне тухса çÿреççĕ. Çак регионсенче вара энцефалит паллисене час-часах тупаççĕ.

Сăвăссем саракан инфекцирен сыхланма республикăра халăх йышлă пухăнакан, ачасен сывлăхне çирĕплетекен организацисен çывăхĕнчи территорисене дезинфекцилеме пуçланă. Хальхи вăхăтра çак ĕçе 71,3 гектара яхăн лаптăкра пурнăçланă.

Комментари хушас

Image CAPTCHA
Введите символы, которые показаны на картинке.