Руль умĕнче те - хăех

ЧР Пуçлăхĕн стипендине тивĕçнĕ Ирина Лепешкина çуралнă тăрăхрах хăйĕн вырăнне тупма ĕмĕтленнĕ. Ял пурнăçне кăмăллаканскер Муркаш районĕнчи Мулкачкассинче пурăнать. Куçăн мар майпа аслă пĕлÿ илнĕ вăхăтрах Оринин библиотекинче ĕçленĕ вăл. Виççĕмĕш çул ĕнтĕ Ирина Витальевна - ача-пăча пултарулăх центрĕн методистĕ. Водитель правине илнĕскер райцентра, ĕçе, çăмăл машинăпа çÿрет.