Пăри пăтти аса килет
5 Aug, 2014 | Ял хуçалăхĕ

Юлашки çулсенче республикăри фермерсем ял хуçалăхĕн çĕнĕ культурисемпе çывăхрах туслашма тăрăшаççĕ. Тепĕр тесен пăрие çĕннисен шутне кĕртни вырăнсăр та. Ĕлĕкхи Раççейре ăна тулăпа танах акса çитĕнтернĕ. Нăйкăш культура мар, унра "В" йышши витамин чылай. Муркаш районĕнчи "Юнга" пĕрлешÿре ăна 50 гектар акнă. Пуçтарнă тухăçа Тутарстана яраççĕ. Унта вăл ача сачĕсене ăсанать. Пĕр килограмм пăри тыррине тутарсем 12 тенкĕпе туянаççĕ.

Шурă горчица та çитĕнтереççĕ ку хуçалăхра. Ăна ыйтакан та нумайăн. Пĕлтĕр çак культурăна 15 гектар çинче акнă пулсан кăçал лаптăка 6 хут ÿстернĕ.

Фацели, Балтика кантăрĕ çитĕнтерекенсем те пур республикăра.