Павел Астахов тав тăвать

Раççей Федерацийĕн Президенчĕ çумĕнчи Ача прависен уполномоченнăйĕ П.Астахов Чăваш Ен Пĕтĕм Раççейри «Çĕнраççей елкине» ыркăмăллăх акцине хастар хутшăннăшăн, Донецк тата Луганск Халăх Республикисенчи ачасемпе çул çитмен ачасемлĕ çемьесене Çĕнĕ çул гуманитари пулăшăвĕ кÿнĕшĕн Чăваш Республикин Пуçлăхне М.Игнатьева чĕререн тав тунă.

Акци вăхăтĕнче çĕршывăн тĕрлĕ регионĕнче пухнă Çĕнĕ çул парнисене Раççей МЧСĕн вуннăмĕш гуманитари колонни Донецкпа Луганск хулисене 2014 çулхи декабрĕн 20-21-мĕшĕсенче илсе çитернĕ. Украина ертÿçисем граждан вăрçи пуçарнă регионсенчи ачасемпе çул çитмен ачасемлĕ çемьесем ентешсем пулăшнипе Çĕнĕ çул уявĕ умĕн хăйсене пăрахманнине, чун ăшшине, пĕр шухăшлă пулнине туйса илнĕ.

Чăваш Республикин Ача прависен уполномоченнăйĕ В.Рафинов «Хыпар» хаçата пĕлтернĕ тăрăх - акци вăхăтĕнче Донецк тата Луганск Халăх Республикисен ачисем валли пирĕн республика халăхĕ 5400 парне хатĕрленĕ, чăрăша илемлетмелли теттесем, ача-пăча кĕнекисем, тумтир, канцеляри таварĕ тата ыттине пухнă.

Ю.ЛИСТОПАД