Çивĕч ыйтусем те пур

Паян ЧР Пуçлăхĕ çумĕнчи Пĕтĕм Раççейри ачасемпе çамрăксен обществăпа патшалăх юхăмĕсемпе ĕçлекен координаци канашĕн ларăвĕ пулчĕ.

Пĕтĕм Раççейри «Движение первых» юхăман Чăваш Енри канашĕн председателĕ Олеся Илларионова кăçалтан юхăм садиксенче те ĕçлеме пуçланине каларĕ. Юхăм республикăри шкулсенче те тухăçлă ĕçлет. Анчах çивĕч ыйтусем те пур. Олеся Илларионова палăртнă тăрăх, юсав тумалла пулнăран вĕсем хальлĕхе уйăрса панă çĕнĕ вырăна куçаймаççĕ, ноутбуксем çитмеççĕ. ЧР Пуçлăхĕ Олег Николаев ку ыйтăва ЧР Пуçлăхĕ çумĕнче çамрăсен политики енĕпе ĕçлекен управлени пуçлăхне Иван Филиппова пĕр эрнере татса пама хушрĕ.

Юхăм Комсомольски округĕнче мĕнле ĕçлени пирки вырăнти уйрăмăн ĕçĕ-хĕлне йĕркелесе пыракан специалист Валентина Филиппова каласа кăтартрĕ. Унта та ыйтусем пур: транспорт яланах çук, çавăнпа харпăр машинăсемпе усă курма тивет. Олег Алексеевич ку ыйтăва та тимлĕхе илнине пĕлтерчĕ.
Юлашкинчен Олег Николаев 14 ҫул тултарнисене паспорт пачӗ.

www.hypar.ru Ирина АЛЕКСЕЕВА сăн ÿкерчĕкĕ