Мускаври чи паллă архитектура палăкĕсенчен пĕри - Сăваплă Василий соборĕ - тĕлĕнмелле илемĕпе тата истори пĕлтерĕшĕпе туристсемшĕн яланах кăсăклă. Çавра тăрăсемпе башньăсен пуян тĕсĕ куçа илĕртет, чан сасси чуна витерет...
Граждан обществин аталанăвĕн фончĕ кĕпĕрнаттăрсен 2015 çулхи эффективлăхĕн рейтингне çирĕплетнĕ. Унăн кăтартăвĕсемпе сакăр субъект ертÿçин ĕç-хĕл тухăçлăхĕ ÿснĕ. 11 регион пуçлăхĕ хăйсене шанса панă регионсенче управлени ĕçне 2014 çулхинчен япăхрах туса пыни палăрнă.
Чăваш Республикинче пултарулăха аталантарма ăнтăлакан çамрăксене патшалăх енчен пулăшса пырасси йăлана кĕнĕ. 2004 çулта çавнашкал хĕрсемпе каччăсем валли стипенди уйăрма тытăннă. Çак хавхалантарупа 13000 çын усă курнă. Вĕренÿре, ăслăлăхра, производствăра, бизнес-проект ĕç-хĕлĕнче, пултарулăхра, ертсе пырас ĕçре палăрнă çамрăксем тивĕçнĕ ăна.
Чăваш Республикин парламенчĕн ĕнер иртнĕ черетлĕ 35-мĕш сессийĕнче Чăваш Ен Пуçлăхĕ Михаил Игнатьев Патшалăх Канашне тата Чăваш Ен халăхне янă Çырăвĕпе паллаштарчĕ.
Михаил АРЛАНОВ, «Хыпар» Издательство çурчĕн директорĕ-тĕп редакторĕ:
- Чăваш Республикин Пуçлăхĕ Михаил Игнатьев хăйĕн ЧР Патшалăх Канашне çуллен яракан Çырăвĕнче кăçал та хальччен тунă çитĕнÿсем çинче тĕплĕ чарăнса тăчĕ, малашне хăш енĕпе уйрăмах çине тăрса ĕçлемеллине пайăррăн асăнчĕ. Экономика кризисĕ кăларса тăратакан йывăрлăхсене пăхмасăр кашни сферăра çине тăрса ĕçлемеллине, çулталăка пысăк кăтартусемпе вĕçлемеллине палăртрĕ.
Вадим НИКОЛАЕВ, РФ Федераци Пухăвĕн Федераци Канашĕн членĕ:
- Чăваш Ен Пуçлăхĕ Çырура юлашки çулсенче республикăра тунă ĕçсене тарăн тишкерчĕ, регионăн экономикăпа социаллă пурнăç аталанăвне, çавăн пекех сывлăх сыхлавĕ, вĕрентÿ тата ытти тытăм мĕнле тăрăмра пулнине хак пачĕ. Çĕршыври лару-тăру çăмăлах мар пулин те - тулашри санкцисене пула экономикăра чылай йывăрлăх тухса тăчĕ - Чăваш Енĕн çитĕнÿсем пур. Регион Ертÿçи вĕсене те асăнчĕ. Вăл кашни отраслĕн тĕллевĕсене палăртрĕ. 2016 çул - Чăваш Енре Ĕç çыннин çулталăкĕ. Михаил Игнатьев ĕç çыннине пулăшмаллине аса илтерчĕ, мĕншĕн тесен ĕç - обществăн аталану никĕсĕ. Эпир пĕр-пĕрне пулăшса та ăнланса ĕçлесен республикăмăр малашне те хальхи пекех тăнăçлă аталанса пырĕ.
Чăваш Ен Пуçлăхĕ Михаил Игнатьев Лариса Арсентьевăна ЧР Пуçлăхĕн Администрацийĕн ертÿçин пĕрремĕш заместителĕн - Шалти политика управленийĕн пуçлăхĕн должноçне уйăрса лартнă.
Республикăн Ял хуçалăх министерстви Раççей Ял хуçалăх министерствине пĕлтĕр ведомствăн «Чăваш Республикинчи ĕç пуçаракан фермерсене 2015-2017 çулсенче пулăшасси» тата «Хресчен /фермер/ хуçалăхĕсен никĕсĕнче 2015-2017 çулсенче выльăх ĕрчетекен çемьесен фермисене аталантарасси çинчен» тĕллевлĕ программăсем тăратнă. Вĕсене федераци суб<екчĕсен хушшинче ирттерекен конкурса хутшăнса республикăри ĕç пуçлакан фермерсем тата выльăх ĕрчетекен çемье фермисем валли Раççей хыснинчен субсиди илес тĕллевпе хатĕрленĕ.
Пĕтĕм Раççейри халăх фрончĕн /ОНФ/ Чăваш регион уйрăмĕн представителĕсем Элĕк салине кайса килнĕ хыççăн унти шыв пăрăхĕ, виçĕ уйăх ытла ĕçлеменскер, халăха шывпа тепĕр хут тивĕçтерме пуçланă.
Çак водопровода 2013 çулта федерацин "Ялăн социаллă аталанăвĕ" программипе килĕшÿллĕн тунă. Вăл Элĕк салинчи тата унпа юнашар Асамат ялĕнчи 80 çурта шывпа тивĕçтернĕ. Малтанлăха шыв хушăран çеç пулман, 2015 çулхи чÿк уйăхĕн пуçламăшĕнче вара пачах пĕтсе ларнă.
Чăваш Ен Пуçлăхĕн Михаил Игнатьевăн ячĕпе Хĕрлĕ Çăлтăрлă Тĕп çар округĕн çарĕсен командующийĕнчен Владимир Зарудницкий генерал-полковникран «пысăк яваплăхшăн, Чăваш Республикин çар комиссариатне призыва йĕркелесе ирттерме пулăшнăшăн» тав çырăвĕ килнĕ.
Чăвашла верси
Русская версия
