«Театрлă Атăлçи» фестивальте тата икĕ спектакль лартнă

Раштавăн 7-мĕшĕнче И.Н. Ульянов ячĕллĕ Чăваш патшалăх университечĕн культура керменĕнче асăннă вĕренӳ заведенийĕн, çавăн пекех Чăваш патшалăх аграри университечĕн студенчĕсем «Театрлă Атăлçи» фестивальте пултарулăхĕпе паллаштарчĕç.

ЧПУн пултарулăх ушкăнĕ сцена çине «Маяковский», çавăн пекех Чăваш патшалăх аграри университечĕн студенчĕсем «Музыка любви» спектакльсемпе тухрĕç.

Асăннă фестивале кăçал çамрăксен пилĕк ушкăнĕ хутшăнма кăмăл тунă. Раштавăн 9-мĕшĕнче хăйсен пултарулăхĕсене Коопераци институчĕн тата Чăваш патшалăх университечĕн «Абрикосовый сад» командисем кăтартрĕç.

«Театрлă Атăлçи» фестивалĕн пĕтĕмлетĕвĕ раштавăн 10-мĕшĕнче пулĕ.

www.hypar.ru Николай Филиппов сăн ÿкерчĕкĕсем