Наци библиотекинче «Эткер» календарьпе паллаштарнă

Раштавăн 14-мĕшĕнче Шупашкарти Наци вулавăшĕнче «Эткер. Наследие» календарь презентацийĕ иртрĕ. Çак кăларăма Тутарстанри чăвашсен наципе культура автономийĕн пайташĕсем чăвашла-вырăсла хатĕрлесе кăларнă. Ăна ӳкерчĕксемпе илемлетекенĕ — Тутар Республикин культурăн тава тивĕçлĕ ĕçченĕ — Александр Алексеев /Сантăр Пикл/.

Наци вулавăшĕн ĕçченĕ Ольга Тимофеева Константин Малышева «Çулталăк кĕнеки» парнелерĕ. 

— Чăвашсен уйăх ячĕсем хăйсен пулни вăл эпир авалхи халăх пулнине пĕлтерет, — терĕ Тутарстанри чăвашсен наципе культура автономийĕн канашĕн председателĕн çумĕ Константин Малышев. — Эпир цивилизаци йĕркелеме пултаракан халăх пулнă.

Константин Анатольевич палăртнă тăрăх, «Эткер» календарьте чăвашсен пурнăçĕнчи пĕлтерĕшлĕ самант нумай. Вăл халăхăн йăлисемпе уйрăлми çыхăннă.

www.hypar.ru Татьяна Вашуркина сăн ÿкерчĕкĕсем 

Сергей Журавлев сăн ÿкерчĕкĕсем кунта...