Марш парачĕ иртнĕ

Çĕмĕрле хулин кунĕнче Ача-пăча пултарулăхĕн центрĕнче «Марш ансамблĕсен парачĕ-2022» республика конкурс-фестивалĕ иртнĕ.

Мероприятие çарпа патриотлăх клубĕсем, параппанçăсен отрячĕсем хутшăннă. Республикăри 19 команда 3 номинацире тупăшнă. «Параппанçăсем» номинацире Патăрьелти 1-мĕш шкулăн «Грация» ансамблĕ çĕнтернĕ. «Дефиле сĕмĕллĕ марш ансамблĕсем» номинацире Çĕнĕ Шупашкарти 16-мĕш шкулăн 6-мĕш класне тата Шупашкарти Кадет шкулĕн «Кадетсен пĕртăванлăхĕ» ушкăнне çитекен пулман. «Çар искусствисене кăтартса пани» номинацире вара 1-мĕш вырăна Тăвай районĕнчи «Аль» физкультурăпа спорт комплексĕ тухнă. 

www.hypar.ru Cap.ru сăн ÿкерчĕкĕ