Канмалли кунсенче хĕвеллĕ те çилсĕр çанталăк пулĕ

Шăматкун тата вырсарникун Чăваш Енре 9-14 градус ăшă пулĕ, каçхине те 0 градусран чакмĕ.

Кĕçĕр тата ыран ирхине çăра тĕтре карса илĕ. Тунтикунчченех типĕ çанталăк тăрĕ.

Ака уйăхĕн 1-2-мĕшĕсенче вăйлă çумăр çăвĕ. Çавна май сывлăш температури кăштах пĕчĕкленĕ, 5-10 градус ăшă пулĕ. Çитес эрнен иккĕмĕш пайĕнче палăрмаллах сивĕтĕ.

Ака уйăхĕн 3-6-мĕшĕсенче Чăваш Енре çумăрпа хутăш йĕпе юр çăвĕ, каçсерен сывлăш температури 0 градусран та чакĕ. Çул çинче пăрлак пулма пултарĕ. Çурçĕр-хĕвел анăç енчен вĕрекен çиле пула çанталăк тата сивĕрех пек туйăнĕ.

www.hypar.ru