Доярсем те тупăшнă

Республикăри çуллахи ял хуçалăх спорт вăййисем кăçал 21-мĕш хутчен иртрĕç.

Çĕртме уйăхĕн 18-мĕшĕнче Канашри «Локомотив» спорт шкулне республикăри 21 муниципалитетран 500-е яхăн çын пуçтарăннă. Вĕсем армрестлингпа, волейболла выляса, кире пуканĕ йăтса, хула спорчĕпе, çăмăл атлетика енĕпе, сĕтел çи тенниспа, канат туртассипе, полиатлонпа, мини лаптапа, самбопа тата спортăн ытти тĕсĕпе ăмăртнă. Унсăр пуçне доярсем, утă çулакансем тата механизаторсем те тупăшнă. Çĕнтерӳçĕсемпе призерсене медальсемпе тата дипломсемпе чысланă.

www.hypar.ru Интернетран илнĕ сăн ÿкерчĕк