Чăваш тумĕ – Вологдăра

Вологда хулинче «Кĕмĕл тумлă халăх» курав уçăлнă. Унта чăваш халăхĕн 18-21-мĕш ĕмĕрсенчи наци тумĕ сăнланнă.

Чăваш наци музейĕ хатĕрленĕ экспозицире фондри этнографии коллекцийĕн 150 экспоначĕ вырăн тупнă. Чăваш тумĕсенчи тĕрĕ-эреш, кĕмĕл капăрлăх, пуçа тăхăнмалли курава пыракансемшĕн уйрăмах кăсăклă. Унсăр пуçне пирĕн халăхăн çи-пуçĕ вăхăт иртнĕ май мĕнле улшăннине те, ăна хальхи ăстасемпе ӳнерçĕсем, дизайнерсем мĕнле курнине те асăрхама пулать. Курав 2022 çулхи пуш уйăхĕн 20-мĕшĕччен пырать.

www.hypar.ru Culture.cap.ru сăн ÿкерчĕкĕ