Çĕмĕрле районĕнче хăйăр карьерĕсем пулĕç

Ял хуçалăх çĕрĕсене урăх категорие куçарас ыйту тавлаштармарĕ. Экономика аталанăвĕн министрĕн тивĕçĕсене пурнăçлакан Денис Спирин Çĕмĕрле районĕнчи 109 пин ытла тăваткал метр йышăнакан лаптăксем хăйăр карьерĕ валли кирлине палăртрĕ. Унтан кăларакан хăйăрпа пысăк хăвăртлăхлă М-12 автомагистрале тума усă курĕç. Хăйăр кăларнă хыççăн çав вырăнта кӳлĕ пулмалла.

Строительство отраслĕнче ĕçлекен 1 разрядлă рабочин ĕç укçин вăтам виçине палăртасси те нумай калаçтармарĕ. Вăл 2020 çулшăн 24 пин тенкĕрен кăшт пысăкрах шайра çирĕпленнĕ. Çак виçе бюджет укçине явăçтарса пурнăçлакан строительство ĕçĕсен сметине шутласа палăртмалли никĕс вырăнĕнче пулĕ.

Кун пирки Министрсен Кабинечĕн юнкун ЧР Пуçлăхĕ Олег Николаев ертсе пынипе иртнĕ ларăвĕн кун йĕркинче калаçнă.

www.hypar.ru