Ăшăнас тесе асăрханулăх пирки ан манăр

Çанталăк сивĕтме тытăннăранпа кил-çуртра пушар тухас хăрушлăх ӳсет. Ытларах чухне ку кăмака хутнă чухне асăрханманнипе çыхăннă.

Инкек тӳсес мар тесен хăрушсăрлăх йĕркине пăхăнмалла: килте хатĕрленĕ ăшăтмалли хатĕрсемпе усă курма, электрорадиатора çутса хăварма е ун çинче япала типĕтме юрамасть. Ăшăтмалли хатĕр айне çунман япала хумалла, ăна сĕтел-пуканран, чӳрече карринчен, вырăн таврашĕнчен аяккарах вырнаçтармалла. Электровилка тата розетка хĕрсе каясран асăрханăр. Çавăн пекех хваттере газ плитине çутса ăшăтма ан хăтланăр — пăхмасăр хăварнă çулăмран пушар тухма пултарать. Хваттерте газ шăршине туйсан электросӳнтеркĕче ан тытăр, чӳречесене уçса пӳлĕме уçăлтарăр, газ плитине сӳнтерĕр, 04 номерпе авари службине шăнкăравласа чĕнсе илĕр, çуртран тухăр, кӳршĕсене те систерĕр.

www.hypar.ru