Ачасен ĕмĕчĕсем пурнăçланĕç

Паян Чăваш патшалăх оперăпа балет театрĕнче "Ĕмĕтсен елки" Пĕтĕм Раççейри ыр кăмăллăх акцийĕ уçăлчĕ. Чăваш эрешĕпе илемлетнĕ чăрăш тÿрех куçа илĕртет. Унăн тепĕр хăйне евĕрлĕх те пур - ачасем хăйсен ĕмĕчĕсене палăртса шăрçаланă çырусем.

"Çакнашкал акци пурри питĕ лайăх. Вăл çулран çул вăйланса пырать. Çавна май пирĕнтен кашниех хăйне Хĕл Мучи пек туйса ачасене савăнтарма пултарать. Мĕн акатăн, çавă шăтать теççĕ. Ку акципе эпир хамăр та пунрах пулатпăр: чунпа та, ăс-хакăлпа та",  - терĕ Чăваш Ен Пуçлăхĕ Олег Николаев мероприятие уçнă май.

Ачасен ĕмĕчĕсене ЧР Пуçлăхĕ Олег Николаев, унăн Администрацийĕн ертÿçи Вячеслав Борисов, ЧР Патшалăх Канашĕн Председателĕ Леонид Черкесов, министрсем тата ытти яваплă пысăк тивĕç йышăнакансем пурнăçлĕç.

www.hypar.ru Василий Кузьмин сăн ÿкерчĕкĕсем кунта...