Кемĕрте вилнисене асăнса Республика тÿремĕнче митинг иртрĕ
27 Mar, 2018 | Хула | митингсем

Кемĕр хулинче вилнисене асăнса паян Республика тÿремĕнче митинг иртрĕ. Унта пухăннисем Ленин палăкĕ умне лартнă сĕтел çине чĕрĕ чечексем хучĕç.

Елена ЖУРБИНА, ЧППУ студентки:

- Айăпсăр ачасем вилни çав тери хăрушă. Эп усал хыпара илтсен тÿрех анне патне шăнкăравларăм. Эпир инкек пирки калаçнă чухне ачасене хĕрхенсе йĕтĕмĕр. Пирĕн те 10 çул каялла пысăк хуйхă пулнăччĕ - 11-ти шăллăм шыва путса вилнĕччĕ.

 Вера ЯГУНИНА, 74 çулта:

- Вăрçă вăхăтĕнчи тапхăра аса илтерет ку. Ун чухне нумай ача вилнĕ. Халĕ çынсем явапсăр чунсăр пулнипе инкек кураççĕ ачасем. Ашшĕ-амăшне йăпатса каламалăх сăмах та çитмест ман.

Андрей МИХАЙЛОВ.

Исключить из Яндекс-Новостей: 

Комментари хушас