Гладиолус лартатпăр

Гладиолуса çу уйăхĕн 20-мĕ­шĕччен лартмалла. Чечек суханĕсене хуппинчен тасатмалла, чирлĕ вырăнĕсене касмалла, суранне зеленкăпа е марганцовка ирĕлчĕкĕпе сăтăрмалла. Ун хыççăн сухансене типĕтмелле, йывăç кĕлĕ сапмалла. Лартас умĕн 2 сехет марганцовкăн шĕвĕрех ирĕлчĕкĕнче тытмалла. Гладиолуссем пулăхлă, çĕрнĕ тислĕк хывнă çĕр çинче лайăхрах ÿсеççĕ.

Шултра сухансене — 10-12 сантиметр, вăтаммисене — 6-8, «ачисене» — 2-4 сантиметр тарăнăшне варăнтармалла. 1 тăваткал метр çинче шултра йышши 30 е вĕтĕрех 50 гладиолус ÿсме пултарать.

Чечеке лартас умĕн тăпрана ыхра шĕвекĕпе шăварсан гладиолус чирлесех каймĕ. Ăна хатĕрлеме 40-50 грамм ыхра илмелле, аш арманĕпе авăртмалла, 10 литр шыва пĕр талăклăха ямалла. Шĕвеке сăрăхтарса çĕре шăвармалла.

 

Комментари хушас

Image CAPTCHA
Введите символы, которые показаны на картинке.