Комментари хушас

13 Пуш, 2015

Усăллă супăнь

Хуçалăх супăнĕ - питĕ лайăх антисептик. Сипленме те усă кураççĕ унпа.

  • Шăйăрттарнă е кастарнă пысăках мар сурана хуçалăх супăнĕпе сĕрмелле, типсе çитессе кĕтмелле. Çапла туни сурана хăвăртрах ӳт илме пулăшĕ.
  • Ӳт тăртаннине ирттерме супăне шывра ирĕлтерсе унпа ыратакан вырăна темиçе хут сĕрмелле.
  • Вăрăмтуна çыртнипе кĕçĕтекен вырăна хуçалăх супăнĕн кăпăкĕпе сĕрсе ирттереççĕ.
  • Сунас чухне супăньпе сĕрнĕ ватка татăкне сăмса шăтăкне чикмелле. Грипран профилактика вырăнне усă курма та аван ку меслет.
  • Кăмпа чирĕсемпе сиенленнĕ ура тĕпне супăньленĕ щеткăпа сăтăрмалла, типнĕ хыççăн вара – йод растворĕпе.
  • Ура тĕпĕнчи çуркаланчăксене сиплеме: 2 л вĕри шывра 1 кашăк чухлĕ хуçалăх супăнĕ тата 1 чей кашăкĕ апат соди ирĕлтермелле. Урана çакнашкал шывра 10-15 минут тытмалла. Кайран типĕтсе çуллă кремпа сĕрмелле, пир нуски тăхăнмалла. Çакна каçсерен, пĕтĕмпех сывалса çитиччен тумалла.
  • Ӳте пĕçертсе илтĕр-и? Пĕçертнĕ вырăна тӳрех хуçалăх супăнĕпе сĕрсе типессе кĕтĕр - хăмпăсемпе хĕрелсе тăракан вырăнсем пулмĕç.
  • Пит çинчи шатрашкасенчен хăтăлма супăнь татăкне теркăпа хырмалла, вĕри шыв хушса кăпăкланиччен пăтратмалла. 1 чей кашăкĕ тăвар хушса пите сĕрмелле. 20 минутран маскăна ăшă шывпа çуса ямалла, унтан сиввипе чӳхемелле. Çакна пĕр уйăх таран эрнере 3 хут тумалла.

Супăнь çинче çырни - 72:, 70: е 65: - çу кислотисен проценчĕ мĕн чухлĕ пулнине кăтартать. Вăл мĕн чухлĕ ытларах, супăнь вараланчăкпа микробсене çавăн чухлĕ ытларах пĕтерет.

Image CAPTCHA
Введите символы, которые показаны на картинке.