Комментари хушас

1987 çулхи авăн уйăхĕн 26-мĕшĕнче Васильевсен çемйинче ывăл кун çути курсан çут тĕнчере Людмила Геннадьевнăран телейлĕрех çын пулман. Гена пĕчĕк чухнех маттур ача ÿснĕ. Çемье кăштахран Шупашкара пурăнма куçнă. Апла пулин те арçын ача яла юратма пăрахман: каникулсенче Мăн Вылăна, асламăшĕ патне, пулăшма çÿренĕ. Гена иккĕмĕш сыпăкри тăванĕсемпе кĕтÿ пăхнă, утă типĕтнĕ...

2006 çулхи çу уйăхĕнче Генăн салтака каймашкăн ят тухнă. Чăваш каччи Сыктывкарти саперсен чаçне лекнĕ. Вĕренÿ хыççăн ăна Челябинскри спецназсен чаçне куçарнă. Тăван çĕр-шыв умĕнчи тивĕçе икĕ çул пурнăçланă хыççăн та Геннадий Васильев салтак тумне хывма васкаман: виçĕ çуллăха контракт çырнă. Ун чухнех вăл Чечня Республикине командировкăсене çÿренĕ. Анчах çулталăкран Гена контракта пăрахăçлаттарнă, тăван тăрăхне таврăннă. Çакна тумашкăн амăшĕ ыйтнă. Малалла вулас...