Комментари хушас

Шупашкарта Патшалăх влаçĕн тата вырăнти самоуправлени органĕсен 20-мĕш спартакиади иртнĕ.

Сĕтел çи теннисĕпе йĕркеленĕ ăмăртăва пĕтĕмпе 51 команда хутшăннă. Чăваш Енри федераци органĕсен хушшинче УФСИН команди çĕнтернĕ, 2-мĕш вырăнта — Федераци казначействин управленийĕ, 3-мĕшĕнче — Шалти ĕçсен министерстви. Патшалăх влаçĕн республика органĕсен командисенчен Финанс министерствин хастарĕсене çитекен пулман. 2-мĕш вырăнта — Ял хуçалăх министерстви, 3-мĕшĕнче вара — ЧР Патшалăх Канашĕ. Муниципалитетсен хушшинче Шупашкар команди çĕнтернĕ, Канаш районĕн — «кĕмĕл», Вăрнар районĕн вара — «бронза». Спартакиадăн финалĕ раштавăн 10-мĕшĕнче Йĕпреç поселокĕнче иртĕ. Унта ишессипе, дартспа тата волейболла выляссипе тупăшмалла пулĕ.

www.hypar.ru