Чăвашла верси
Русская версия
«Абилимпикс» çĕнтерÿçисене – сертификат
Сусăрсен тата хавшак сывлăхлисен «Абилимпикс» наци чемпионачĕн Чăваш Енри çĕнтерÿçисене Регионти Абилимпикс юхăмĕн центрĕнче чысланă.
Кăçал чемпионат икĕ форматпа иртнĕ: куçăн тата дистанци мелĕпе. Пирĕн республикăран хутшăннă 8 конкурсантран 6-шĕ çĕнтерÿçĕ пулса тăнă: Светлана Петрова, Полина Суратова, Виктория Розова, Максим Алексеев /Шупашкарти экономикăпа технологи колледжĕ/, Светлана Федотова /Йĕпреçри хавшак сывлăхлисен интернат шкулĕ/, Самир Михайлов /Регионсен хушшинчи компетенцисен центрĕ - Шупашкарти электромеханика колледжĕн/. Вĕсем Раççей Федерацийĕн правительствин хушăвĕпе укçа сертификатне тивĕçнĕ. Кăçал çакнашкал сертификатпа пĕтĕмпе 695 çĕнтерÿçе чысланă. Пирĕн республикăра мала тухнă ачасене «Букет Чувашии», «Смак» тата «Кондитерская планета» предприятисем те парнепе хавхалантарнă.
