Комментари хушас

Чăваш Ен Пуçлăхĕн указĕпе килĕшÿллĕн çул çитмен çичĕ е ытларах ачаллă, пурăнмалли условисене лайăхлатма черетре тăракан çемьесен патшалăх пулăшăвне тивĕçмешкĕн ирĕк пур.

Çакнашкал çăмăллăхпа усă курса кăçал нумай ачаллă 31 çемье пурăнмалли условисене лайăхлатма – хваттер туянма е çурт лартма – пултарĕ. Вĕсен ыйтăвне татса пама 180 миллион ытла тенкĕ пӑхса хунӑ.

Çичĕ е ытларах ачаллă, çурт-йĕр ыйтăвне татса памашкăн черетре тăракан малтанхи йыш – тӑватӑ çемье – паян ятарлă сертификата тивĕçрĕ. Чăваш Республикин строительство министрĕ Павел Данилов асăннă пулăшăва тивĕçнĕ çемьесене чунран саламларĕ.

www.hypar.ru Татьяна Наумова сăн ÿкерчĕкĕсем