Чăвашла верси
Русская версия
Вĕрентÿ организацийĕсен общежитийĕсенче тĕрĕслев иртĕ
Шăматкун Шупашкарта культура институчĕн общежитийĕнче пушар пулнă. Ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлăва ЧР Пуçлăхĕ Олег Николаев çак пăтăрмахран пуçларĕ.
Культура министрĕ Светлана Каликова пĕлтернĕ тăрăх, МЧСăн васкавлăн килсе çитнĕ сотрудникĕсем вут-çулăма хăвăрт сӳнтернĕ. Пушар вăхăтĕнче общежитире 40 çын — студентсем, преподавательсем — пулнă, вĕсене эвакуацилеме тивнĕ. Çунăк шăрши тăнине кура 22 çынна çĕр каçма музыка училищин общежитине вырнаçтарнă, ыттисем тăванĕ-пĕлĕшĕ патĕнче кĕтес тупнă.
Хальхи вăхăтра студентсем тăван общежитие таврăннă, унăн иккĕмĕш хутĕнче пушă пӳлĕмсем пулнине кура 4-мĕшĕнче, пушар пулнă хутра, пурăннисене унта куçарнă. Светлана Анатольевна сиен калăпăшне палăртнине çирĕплетрĕ. Пайăр цифрăсем асăнмарĕ, анчах юсав валли пулăшу кирли çичен каларĕ. Вăлах пушар сăлтавне те пĕлтерчĕ: инкек общежитире электроприборсемпе усă курнă май йĕркене уяманнипе пулнă-мĕн.
Олег Николаев вĕрентӳ организацийĕсен мĕн пур общежитийĕнче тĕрĕслев ирттерме хушрĕ. Электроприборсемпе усă курмалли хăрушсăрлăх правилисене пăхăнас тĕлĕшпе уйрăмах тимлĕ пулмалли пирки асăрхаттарчĕ.
