Чÿречерен ÿкекен йышланнă
Шăрăх çанталăк пуçланнăранпа нумай хутлă çурт чӳречинчен ача тухса ӳкекен тĕслĕх ытларах тĕл пулма тытăннă.
Çулталăк пуçланнăранпа çавнашкал 18 инкеке палăртнă, çĕртме уйăхĕнче — 3, вĕсенчен икĕ ача вилнĕ. Çавна май аслисен уйрăмах тимлĕ пулма тивет. Чӳречене хупă тăратмалла е çӳлти форточкăна çеç уçмалла. Балкон алăкне питĕрмелле. Ача чӳречене хăй тĕллĕн ан уçтăр тесен хăлăпне илсе хумалла. Ун патĕнче сĕтел-пукан ан пултăр. Чӳречене ятарлă решетке е çăра вырнаçтарăр. Ачана хăрушсăрлăх йĕркине ăнлантарăр. Хурт-кăпшанкăран хӳтĕлекен сеткăна ан шанăр, вăл ача йывăрăшне тӳсеймĕ.