Комментари хушас

РФ Центросоюзĕн Канашĕн Президиумĕ 2014 çулхи II кварталшăн потребительсен обществисен регионсенчи союзĕсен хушшинче Пĕтĕм Раççейри «Ĕçлекен отрасльсене ăнăçлă аталантарнăшăн» ăмăртăва пĕтĕмлетнĕ.

Пĕтĕмĕшле ĕç-хĕле, вак суту-илĕве, производство тата хатĕрлев отраслĕсене аталантарнăшăн Чăвашпотребсоюза пĕрремĕш вырăн панă, общество апатланăвне аталантарнăшăн - иккĕмĕш, федерацин Атăлçи округĕ тăрăх пĕтĕмĕшле ĕçе аталантарнăшăн - пĕрремĕш вырăн.

Центросоюз тытăмĕнчи потребкооперацин кооператив организацийĕсен хушшинчи Пĕтĕм Раççейри экономика ăмăртăвĕн пĕтĕмлетĕвĕсем тăрăх I çур çулшăн пĕтĕмĕшле ĕçе аталантарнăшăн Муркаш райпоне - пĕрремĕш, Çĕрпÿ райпоне - виççĕмĕш вырăнсемпе наградăланă, вак суту-илĕве аталантарнăшăн Муркаш райповĕ пĕрремĕш вырăна тухнă, общество апатланăвĕпе Элĕкпе Муркаш райповĕсем малта.

Хатĕрлев енĕпе пур вырăна та районсенчи потребительсен обществисем йышăннă: Элĕк, Çĕрпÿ, Муркаш районĕсем. Чăвашпотребсоюз организацийĕсем ытти енĕпе те çĕнтерÿçĕсен йышĕнче.

Çакă - потребкоопераци ертÿçисем, нумай пинлĕ коллектив пĕрле тăрăшса ĕçленин паха кăтартăвĕ. Коллектив Чăваш Республикин социаллă пурнăçпа экономика аталанăвне тивĕçлĕ тÿпе хывать.

В.НИКОЛАЕВ.