Комментари хушас

21 Çурла, 2014

Куçса килнĕ çемьесене пулăшнă

Республикăри хĕрарăмсен канашĕн ыр кăмăллăх фончĕ Украинăран ирĕксĕр тарса килме тивнĕ çемьесене хÿтĕлемешкĕн пуçаруллă хутшăнать.

Çурла уйăхĕн 15-мĕшĕнче унăн хастарĕсем «Чувашиякурорт» хăна çуртĕнче вăхăтлăх пурăнакансене укçан пулăшрĕç: 134 пин тенкĕне 39 çемье тивĕçрĕ. Çурла уйăхĕн 18-мĕшĕнче вара Хевтесĕр ачасемпе çул çитмен çамрăксен реабилитаци центрĕнче кĕтес тупнă 12 çемьене 90 пин тенкĕ панă.

Йывăр вăхăтра хăйсене пăрахманшăн Украинăн кăнтăр-хĕвел тухăç пайĕнчен куçса килнĕ граждансем республикăри хĕрарăмсен канашне чĕререн тав тунă.

Нушаллă çемьесене пулăшмашкăн япала, укçа пухасси малалла пырать. Ыр кăмăллăх акцине ăш пиллĕ ентешсем - предприяти-организацире вăй хуракансем, пенсионерсем, ĕç коллективĕсем - пуçаруллă хутшăнаççĕ.

Чăваш Республикинчи хĕрарăмсен канашĕн ыр кăмăллăх фончĕ пухăннă тата тăкакланă укçа-тенкĕ пирки халăха уççăн пĕлтерсе тăрать. Çакна палăртмалла: кăçалхи утă уйăхĕн 1-мĕшĕнчен унăн пухмачне 1523892 тенкĕ хывнă.

Хаклă ентешĕмĕрсем, йывăрлăха кĕрсе ÿкнĕ граждансене - Украинăри вăрçăна пула çуралнă вырăнтан ирĕксĕр тапранса тухнă тата Чăваш çĕрĕнче хÿтлĕх тупнă çынсене - пулăшмашкăн эсир те пуçаруллă хутшăнасса шанса республикăри хĕрарăмсен канашĕн ыр кăмăллăх фончĕн реквизичĕсене пĕлтеретпĕр:

Благотворительный фонд Чувашского республиканского совета женщин
4280000, г. Чебоксары, пл. Республики, д. 2, оф.119
ИНН 2130999669, КПП 213001001
р/с 40703810875000000039
в ОАО «Сбербанк России» Чувашское отделение /8613
к/с30101810300000000609
БИК 049706609
Назначение платежа: «помощь беженцам Украины»
Image CAPTCHA
Введите символы, которые показаны на картинке.