Комментари хушас

ЧР Пуҫлӑхӗ Олег Николаев Красноармейскинче республика районӗсенчи спорт объекчӗсен строительствин ыйтӑвӗсемпе канашлу ирттерчӗ.

ЧР спорт министрӗ Василий Петров пӗлтернӗ тӑрӑх, кӑҫал республикӑн адреслӑ инвестици программипе килӗшӳллӗн 12 объект хута ямалла. Хальхи вӑхӑтра иккӗшне (Шупашкарти кадет корпусӗ ҫумӗнчи хоккей центрӗ тата Красноармейскинчи футбол уйӗ) уҫнӑ. Ҫулталӑк вӗҫлениччен тата пилӗк объекта хута яма палӑртнӑ. Пиллӗкӗшӗнче вара лару-тӑру ҫивӗч, вӗсенче ҫитес вӑхӑтра строительство ӗҫӗсене вӗҫлесси иккӗленӳллӗ.

Ларура ҫавӑн пекех ЧР Строительство министерствипе Саккасҫӑсен пӗрлехи служби капиталлӑ объектсен строительстви, реконструкцийӗ енӗпе тӗрлӗ ведомствӑпа хутшӑнса ӗҫлессине сӳтсе яврӗҫ. Олег Николаев палӑртнӑ тӑрӑх, пӗрле калаҫса вӑй хурсан строительство ӗҫӗсене чӑрмантарса е чарса тӑракан чылай ҫитменлӗхе пӗтерме пулӗ.

www.hypar.ru Валентина БАГАДЕРОВА сӑн ӳкерчӗкӗсем.