Чăвашла верси
Русская версия
Пуçлăхсене çирĕплетнĕ
Çак кунсенче пирĕн республикăри тăхăр муниципалитетра пуçлăхсене суйланă.
Юпа уйăхĕн 30-мĕшĕнче Элĕк районĕн администрацийĕн пуçлăхĕ пулма Александр Куликова, Çĕмĕрле районĕнче Лев Рафинова çирĕплетнĕ.
Чÿк уйăхĕн 3-мĕшĕнче Шупашкар хулин администрацийĕн пуçлăхĕн тилхепине Алексей Ладыкова, Комсомольски райадминистрацийĕнне Александр Осипова, Елчĕк райадминистрацийĕнне Леонард Левыя, Канаш райадминистрацийĕнне Владимир Степанова, Муркаш райадминистрацийĕнне Ростислав Тимофеева тыттарнă.
Паян, чÿк уйăхĕн 5-мĕшĕнче, Пăрачкав тата Йĕпреç районĕсенче, Канаш хулинче сити-менеджерсене суйланă. Пăрачкав райадминистрацине Евгений Лебедев ертсе пырĕ, Йĕпреç райадминистрацине – Игорь Семенов, Канаш хулине – Виталий Михайлов.
Вера ЭВЕРККИ. hr-portal.ru сăн ÿкерчĕкĕ.
