Комментари хушас

Чӑваш чӗлхи кунӗ умӗн Олег Кульевӑн "Айван автан" кӗнеки пичетленсе тухнӑ. Мӗншӗн автан? Ку сӑнара ахальтен суйламан пулӗ автор. Чӑваш халапӗсенче, тупмалли юмахсенче, ваттисен сӑмахӗсенче, каларӑшсенче ҫак кайӑк-кӗшӗк час-часах тӗл пулать.

Кӗнекен страницисене Екатерина Васильева ӳнерҫӗн тӗрлӗ тӗслӗ ӳкерчӗкӗсем илемлетеҫҫӗ. Хайлав тӗлӗшӗнчен пӑхсан вара унта ҫут ҫанталӑк, тӑван ен, арҫын ачасемпе хӗрачасем ҫинчен калакан сӑвӑсем кӗнӗ. Тӗпре - пурнӑҫпа савӑнма пӗлекен ачасем. Автан сӑнарӗ уйрӑмах кӑсӑклӑ. Вӑл тул ҫутӑличченех вӑранать те ыттисене те вӑратма пуҫлать, ҫав шутра Яккӑва та. "Кайӑк мӗн ятлӑ-ши?" ярӑм ачасемшӗн уйрӑмах усӑллӑ.

Таврари кайӑксен ячӗсене пурте пӗлмеҫҫӗ, киле панӑ ӗҫе пурнӑҫлама ларсан ашшӗ-амӑшне халтан яраҫҫӗ. Ҫак кӗнекене вуласан ку ҫитменлӗх те пӗтӗ.

www.hypar.ru Фото cap.ru