Чăвашла верси
Русская версия
Ачасен ячĕпе, телейлĕ ачалăхшăн
Эпир пурте ача пулнă. Хăшĕн асĕнче чи çутă, телейлĕ самантсемпе сăнсем упранса юлнă, теприсен — чуна ыраттаракан пулăмсем… Наци стратегийĕ – кашни ачан правипе интересне хÿтĕлесси, ачалăхпа çыхăннă чи çивĕч ыйтусене татса пама пулăшасси. Чăваш Республикин Пуçлăхĕ çумĕнчи Ачасем ячĕпе 2012-2017 çулсенче пурнăçлакан ĕçсен Наци стратегийĕн координаци канашĕ те çак тĕллевех тытса пырать.
Координаци канашĕн раштавăн 15-мĕшĕнче Правительство çуртĕнче иртнĕ ларăвĕнче /ăна Михаил Игнатьев ертсе пычĕ/ çак ыйтусене тишкерчĕç: массăллă информаци хатĕрĕсен çемье институтне çирĕплетес ĕçри пĕлтерĕшĕ, çемье тытса пыракан кăмăл-сипет пахалăхĕсене пропагандăласси, ачасене хÿтĕлессипе çыхăннă ыйтусене тÿлевсĕр майпа юридици пулăшăвĕ парасси, çуллахи каникул вăхăтĕнче çул çитмен ачасене ĕçпе тивĕçтересси, тăлăх тата ашшĕ-амăшĕн хÿттисĕр юлнă ачасене диспансеризацилесси тата ыттине те. Ларура çавăн пекех Координаци канашĕ 2017 çулта пурнăçланă ĕçсене те пĕтĕмлетрĕç.
