Комментари хушас

12 Çу, 2017

Халăхран пухакан сĕт хакне республикăра чакарасшăн мар

Чăваш Енре халăхран пухакан сĕт хакне чакарасшăн мар. Çакна ĕнер республика Правительствин Председателĕн заместителĕ - ял хуçалăх министрĕ Сергей Артамонов ятарласа ирттернĕ канашлура палăртса хăварнă.

Министр Йĕпреç тата Вăрнар районĕсене тухса канашлу ирттернĕ. Малтан вăл унти хуçалăхсенчен пĕринчи фермăри ĕç-хĕлпе паллашнă, кайран сĕт пуçтаракансене пухса калаçнă. Сĕте халăхран паян 200-е яхăн организаципе уйрăм çын пуçтарать. Сĕт хакне чакармалла маррине республика Пуçлăхĕ Михаил Игнатьев та вĕçĕмех асăрхаттарать. Ял çыннине тупаш кÿрекен продукцин 1 литрне хальхи вăхăтра вăтамран 17 тенкĕ те 20 пуспа туянаççĕ. Ку вăл пĕлтĕрхи çак тапхăртинчен 14,7 процент пысăкрах.

Канашлура Сергей Артамонов министр халăхран пуçтаракан сĕт хакне йÿнетмелле маррине асăрхаттарса хăварнă. 

www.hypar.ru

Рубрика: