Комментари хушас

Ака уйăхĕн 5-мĕшĕнче кăнтăрла Комсомольски районĕнчи Шурутри хĕрарăмсен Ивер мăнастирĕнче пушар тухнă. Ăна МЧС ĕçченĕсем тата кунти çынсем хăвăртах сÿнтернĕ.

Малтанласа палăртнă тăрăх - çулăм алтарĕн сулахай пайĕнче электропралука вут хыпса илнĕрен алхасма пуçланă. Хальхи вăхăтра мăнастирте кĕлĕ ирттерме май килмест. Çав кунах унта Канаш епархийĕн ертÿçи Стефан епископ çитсе курнă, лару-тăру пирки Чăваш митрополийĕн пуçлăхне Варнавăна пĕлтернĕ. Канаш епархийĕ пурне те пушара пула сиенленнĕ чиркĕве юсаса çĕнетмешкĕн май килнĕ таран пулăшма ыйтать. Мăнастир реквизичĕсене Комсомольски район администрацийĕн сайтĕнче тупма пулать.