Çине-çинех - çĕнĕ ФАП

Республикăра юлашки вăхăтра çĕнĕ те хăтлă ФАПсем çине-çинех уçăлаççĕ.

2013 çултанпа Чăваш Енре 146 фельдшерпа акушер пункчĕ хута кайнă. Çапла майпа ялсенчи кашни тăваттăмĕш сиплев çуртне çĕнетнĕ. Çулталăк вĕçленнĕ тĕле Канаш /Сиккасси ялĕнче/, Красноармейски /Шывпуç/, Сĕнтĕрвăрри /Аксарин/, Çĕрпÿ /Туçи/, Вăрнар /Сăкăт/, Шупашкар /Карачура/ районĕсенче те хăтлă сиплев çурчĕсем ĕçлеме тытăнмалла.