Чăваш Республикин Пуçлăхĕн должноçне йышăнас текен кандидатсене пĕлсе тăма!
Чăваш Республикин Пуçлăхĕн должноçне йышăнма регистрациленнĕ кандидатсен суйлав умĕнхи агитаци материалĕсене "Хыпар" хаçатра тÿлевсĕр тата тÿлевлĕ майсемпе пичетлемешкĕн пичет лаптăкне 2015 çулхи августăн 11-мĕшĕнче 14 сехетре шăпа ярса /жеребьевка/ палăртаççĕ.
Шăпа ямалли вырăн: Шупашкар хули, Иван Яковлев проспекчĕ, 13 çурт, "Хыпар" хаçат редакцийĕ, 312 пÿлĕм.
Жеребьевкăна хутшăнма Чăваш Республикин Пуçлăхĕн должноçне йышăнмашкăн регистрациленнĕ кандидатсене е вĕсен представителĕсене чĕнетпĕр. Вĕсен хăйсемпе пĕрле полномочисене çирĕплетекен документсем пулмалла.