Чăваш Енри пенси тытăмĕпе паллашнă
19 May, 2017

РФ Пенси фончĕн правленийĕн председателĕ Антон Дроздов çу уйăхĕн 19-мĕшĕнче пирĕн республкăра ĕçлĕ çÿревпе пулнă.

Мускав хăни Шупашкарта Чăваш Ен Пуçлăхĕпе Михаил Игнатьевпа тĕл пулнă, республикăри влаç органĕсемпе РФ Пенси фончĕ администрацилекен электронлă çĕнĕ тытăмсене — инвалидсен федераци реестрне /ФРИ/ тата Социаллăх тĕлĕшĕнчен тивĕçтерекен патшалăхăн пĕрлехи информаци системине /ЕГИССО/ — пуянлатас енĕпе килĕштерсе ĕçлессипе çыхăннă ыйтусене сÿтсе явнă. Çавăн пекех Чăваш хутлăхĕнче пенсипе тата социаллăхпа тивĕçтересси, республикăри социаллă программăсене пĕрлехи вăйпа пурнăçласси, РФ Пенси фончĕн регионти уйрăмĕн ĕçĕ-хĕлĕ тата тытăм оптимизацийĕ çинчен калаçнă.

Антон Дроздов Пенси тÿлекен тата информацие тишкерекен центра çитсе курнă, пенси службин уйрăмĕн тата территори органĕсен ертÿçисемпе канашлу ирттернĕ, районсен хушшинчи Çĕрпÿри управленин тата унăн Красноармейски районĕнчи уйрăмĕн ĕçне тишкернĕ.

 

Валентина СМИРНОВА

Комментари хушас