Çĕнтерÿçĕсем яланах малта

Швейцарири Цюрих хулинче каратистсенсетокан енĕпе Европа чемпионачĕ иртнĕ. Унта сумлă спортсменсемпе пĕрлех пысăк çитĕнÿсем тунă çамрăксем, пĕрремĕш утăмсем тăвакан яшсем вăй виçнĕ. Ăмăртура Чăваш Ен каратисчĕсем те палăрнă.

ЧР хĕвелтухăç кĕрешĕвĕсен федерацийĕн ертÿçи Дмитрий Фомиряков пĕлтернĕ тăрăх - чемпионата 20 çĕршывран 400 ытла спортсмен хутшăннă. Пирĕн республика чысне Шупашкарти «Будокан» клубĕн хастарĕсем хÿтĕленĕ. Раççей спорт мастерĕ, чылай ăмăрту çĕнтерÿçи Александр Аввакумов арçынсен ушкăнĕнче кумитэ енĕпе чемпион ятне тивĕçнĕ. Никита Беловощев çамрăк спортсмен та - çĕршыври чи пултаруллă каратистсенчен пĕри. Вăл тĕрлĕ турнирта лайăх кăтартусемпе палăрса спорт клубĕн ят-сумне çÿле çĕкленĕ. Ку хутĕнче те каччă «ката» дисциплинăра икĕ ылтăн медаль çĕнсе илме пултарнă. Командăсен тупăшăвĕнче Раççей каратисчĕсем иккĕмĕш вырăн йышăннă. Вĕсен пухмачĕнче - 5 «ылтăн», 2 «кĕмĕл» тата 3 «бронза».

А.ПЕТРОВ.