Вера ЭВЕРККИ. Василий КУЗЬМИН сăн ÿкерчĕкĕсем.

20 Юпа, 2017

Савăнăç та пулчĕ, куççуль те: паян "Хыпар" хаçат парнисемшĕн кире пуканĕ йăтрĕç

Чăн та, темле самант та пулчĕ: савăнăçĕ те, куççулĕ те. Анчах алăра кире пуканĕ тытнă чух мар. Кайран. Çын курман чух. Ăнăçу патне ăнтăлма хăнăхнă маттур черчен пикесемпе яштака яшсем, хăватлăн курăнакан арсемпе арăмсем пăхаттирле вăйне кăтартрĕç паян. Çапла, çулланнисем те пулчĕç турнирта. Çакăн пек иртрĕ кире пуканĕ йăтакансен "Хыпар" хаçат парнисемшĕн иртекен Пĕтĕм Раççейри ăмăртăвĕн пĕрремĕш кунĕ.